#හමුවීම

තවත් වෙනස්ම ආකාරයේ කෙටි කතාවකි .

කියවා රසවිදින්න ...... ඔබටයි මේ ආරාධනා

🙌🙌🙌🙌🙌🙌🙌🙌🙌🙌🙌🙌🙌🙌🙌🙌🙌🙌

       " දැන් ඇති බන් ඕකේ සුවද බැලුවා , කෝ දියන් ඕක මෙහාට "

සෙට් එකේම සූදානම හොදින් නස්පුට් වීමටය . මාද ඇතුලුව සෙට් එකේ සාමාජිකයන් 08ක් වුවද කුමක් උවත්  මා නොබොන බව නිවසින් පිටත් වන විටම සිතට ගතිමි .

" අඩෝ චුක්කා ........ඇයි උබ අලි වංසෙන්ද , මෙන්න මෙහෙ ඇවිත් බොන්න  වාඩීයන් "

" අනේ පිස්සු කෙලින්නැතුව උබල බොනව නම් බීපන් . මතකයි නේ ගිය සතියේ . ආයේ මම මැරුනත් බොන්නේ නම් නෑ "

යාලුකම් වලට වඩා මගේ අම්ම මට රත්තරන් වටිනවා.

සෙට් එක හොදට සල්ලන් වී ඇත. එතන සිටින එකෙකුට හෝ දෙපයින් හිටගැනීමට වත් නොහැකි වන ලෙසට මත්වී හමාරය . සියලුම දෙනා වැල්ලේ හාන්සි වි මර නින්දේ සිටී .

"  ඔන්න පුතේ අදත් උබට බඩු හරී . දැන් ඇදපන් කෝ එක එකා මහ පාරට "

   මගේ හිත මටම කීය. වටපිටාවම කලුවර වෙමින් පවතී . ඉරත් බැසගොස් හමාරය . කෙසේ හෝ මුන් එක එකා හෝ පාරට රැගෙන යා යුතුවේ . සෙට් එකෙ අන්තිම උලකයා පාරට කැදවාගෙන එන විට වේලාව හතේ හෝරාවට ආසන්නය .

" ඇති යන්තන් ඔයින් ගියා . යකෝ දැන් මම ගෙදරට මොකක්ද කියන්නේ ?  අදනම් ගෙදර ගිහින් කෑමක් තමයි සෙට් වෙන්නේ "

" මේ ඕයී තමුසේ මෙතන භාවනා කරනවද "

පාරේ ගිය කෙනෙකු මට බැන වැදිනි. මා ඒ වනතුරු  සිට ඇත්තේ කහ ඉර මතය.

ඉක්මනින්ම පාර මාරු වූයේ දිගු දුර සේවා බස් රථයකට ගොඩ වීමටය . පාර මාරු වූ සැනින් බස් රථයක් පැමිණියේය . එය කට කපා ෆුල් වී ඇත . කෙසේ හෝ ඉක්මනින් යා යුතු නිසා මාද බස් රථයට ගොඩ වුනි .

" අනේ අයියේ පොඩ්ඩක් උඩට නගින්න ඉඩ දෙනවද "

ඇය ලාමක හුරුබුහුටි එතරම්ම උස නැති ගෑනු  ලමයෙකි .දනිස්සට ආසන්නව තිබූ ඇගේ කොන්ඩය ගොතා තිබුනි .  අනෙක් අයට කෙසේ වෙතත් මට නම් ඇගේ සුරූපී කමෙහි අඩුවක් පාඩුවක් නොවීය .

ඇය අමාරුවෙන් බස් රථයට ගොඩ වුවද  පාපුවරුව ලග ආසනයෙන් ඉහාට යාමට ඇයට ඉඩක් නොවීය .  මා සිටිනුයේ පාපුවරුවේ ඉහලම කොටසේය. මට ඇය වෙනුවෙන් කල හැකි කිසිවක් නොවීය. ඇය උස නැති නිසා ඇයට අල්ලා ගැනිමට හෝ තැනක් නොමැත  . ටික වේලවකට පසු ඇයට ඉදිරියෙන් සිටි මැදි වයසේ පුද්ගලයෙකු ඇයට ඔහු සිටි තැන ලබාදී ඔහු ඇයගෙන් පිටිපසට පැමිනියේය .

මගේ සිතටත් දැන් යම්තාක් දුරකට සහනයක් ලැබුනි. මම එයර් ෆෝන් එක කනේ ගසාගෙන සින්දුවක් අසමින් සිටියේ මගේ පාඩුවෙය .

" ලෙන්ගතුකම නෙතග තියා බලනා විට ඔබ............"

හම්මේ ඒක තමයි සින්දුව . චාමර අයියට පින් දිදී මම මගේ ආතල් එකේ සිටියේය . ආතල් එක කඩා දමා බස් එකේ අයියා සුපිරි බ්‍රේක් පාරක් ගැසුවේය. මගේ ඔලුව වීදුරුවෙ නොවැදී යාන්තමට ශේප්  විය .

" මුගේ ආච්චිට ....... අපි කනත්තට නෙමෙයි යකෝ යන්නේ . හෙමින් පලයන්  "

පා පුවරුවේ පහල සිටි කොලුවාගේ සැප කනෙන් බේරුනු බවක් මට හැගුනි .

" බසයට ගොඩවූ නන්ගිට කොහොමද දන්නේ නෑ "

එකවර මගේ හිත කලබල විය. ඇය හොදින් ය . එහෙත් ඇය යමක් නිසා කලබල වී ඇති හැඩක් මා දුටිමි . ඈ වටපිට බලයි . නිකන් කවුරුන් හෝ සොයන බවක් හැගුනත් ඇය බසයට ගොඩ වූයේ තනියම නිසා එය එසේ විය නොහැක . මම තවත් ටිකක් අවධානයෙන් ඈ දෙස බැලුවෙමි.

ඇගෙන් පිටුපස සිටි ඩෑල් එක ඇගේ කරේය.

" යකෝ මූ මාර අසහනකාරයෙක් නේ , දෙන්න හිතෙනව මට මුගේ දතක් බඩට යන්න "

දැන් මට යකා නැග ඇත . අතේ තියෙන යමකින් හෝ ගසා මුගේ ඔලුවේ පැණි බේරෙනු බැලීමට තරම් මගේ කේන්තිය ඉහළ ගොස් ඇත . මා වහා ක්‍රියාත්මක වූයෙමි .

" මේ අන්කල් පොඩ්ඩක් එහාට යනවද ? "

"ඇයි මොකෝ මල්ලී ප්‍රශ්නේ "

මූට නම් තියෙන්නේ නාකි විසේ .මම අන්කල් කියද්දී මට කියනව මල්ලිලු.  අලියන්ට ලමයින්ට නලියන්ටමයි හිත කිවුවා වගේ දැන් නම් මට මුගේ මුහුනත්තහඩුවට දෙකක් දමල අරින්නම හිතෙයි

" මේ මගේ gf . මම කැමති නෑ එයාගේ ඇගට කොහෙවත් ඉන්න පිට සිකලන්නු අත තියනවට . දැන් වත් එහාට යනවද මාමේ " 

ඔහුගේ මුහුණ රතු විය. මම ඇයගේ පිටුපසට පැමින සාමාන්‍ය  ලෙසට සිටියෙමි. ටික දුරක් යන විට එතැන ආසනය හිස් විය .

" අනේ අයියේ වාඩි වෙන්නකෝ. කකුක් දෙක රිදෙනව නේද "

ඇය එතැන වාඩි වී මටද ආරාධනා කලද මම එය ප්‍රතික්ශේප කලෙමි.

" මේ මොන මල විකාරයක්ද යකෝ "

කස්ටියම මගේ දෙස ඇස් යොමා බලා සිටී " මුන්ට ඉතින් වෙන වැඩක් තියෙන එකක් යැ "

මට කිරීමට කිසිත් නොමැති නිසා මම වාඩි වුනි .

" අනේ මැට්ටෝ මතක නැද්ද මම ඔයාගේ gf  කියල "

ඇය කට කොනින් සිනා සී කීය.

මම දැන් සිටිනුයේ මගේ ඉවසීමේ සීමාවේ මුදුන් පෙත්තේය.

" අනේ අයියේ ඔයාට කොහොම ස්තූති කරන්නද කියල මට තේරෙන්නේ නෑ .අර මනුස්සය නම් මට පුදුම වදයක් දුන්නේ "

මම හිස වනනවා මිසක් කිසිම පිලිතුරක් ලබා දුන්නේ නැත  .

" අපෝ මේ ඉස්කෝලෙද . දන්නව නම් කතා කරන්නෙත් නෑ .මහ පඩ කොල්ලො ඉන්නේ  "

ඇය අපට යාබද පාසලේ සිසුවියක් බව මට හොදින් වැටහිනි . පාසටල බනින එක මට කිසිසේත්ම දරාගත නොහැක . ඒ නිසා කුමක්ම හෝ කිව යුතුමය.

" නන්ගි මගේ කට එච්වර හොද නෑ . හොදේ....... "

ඇයට ගානක් වත් නැත . ඇය මගේ දෙස බලා සිනාසුනි.

" අයියා කොහෙද අයියේ , මේ කොහෙද ගියේ ................??????"

" පුදුම වදයක් නේ යකෝ මේ " මේ වෙලාවට තමයි  බිවුවා නම් හොදයි කියල හිතෙන්නේ . 

මම මගේ පාඩුවේ කට වහගෙන හිටියා . ඔන්න දැන්නම් නංගි පොඩ්ඩ සයිලන්ස් මට මාර හැපී. මම නිකකමට ආයේ  ඒ ලස්සන මූන බැලුවා . අනේ පවු දෙයියනේ ඒ අහින්සකීට නින්ද ගිහින් . ඔලුවත් පහළට කඩාන වැටෙනවා .

මගේ හිතේ තිබුන කේන්තිය නැතිවෙලා , ඒ වෙනුවට ඒ අහින්සකී ගැන අමුතුම හැගීමක් පහල  වෙලා කියල හිතට දැනුනත් ඒ මොකද්ද කියල කියන්න නම් මට තේරෙන්නේ නෑ . ඒ ඇහිපිය , ඇගේ කෙස්කලඹ මගේ හිත ටික වෙලාවකට වසගයට ගත්තා කියල මට හැගෙනවා . ටික මොහොතකින් ඇගේ හිස මගේ උරහිස මතට ඇදගෙන වැටුනා. ඒ වැටුනු හිසට මා බසයෙන් බහින තුරු ආයෙම මම මගෙන් පිටතට යන්න ඉඩක් දුන්නේ නෑ .

ගමනාන්තයට පැමිණි නිසා මම ඇයට නොපවසාම බස් රථයෙන් බැහැගත්තේ ඉක්මනින්ම නිවස  කරා ෆුටාර් එකෙන් පියෑබිය යුතු බැවිනි .

ආ දැන් හරිනේ අම්මගෙන් මිස් කෝල් 12 යි . අපෝ අදනම් ගෙදර ගියාම මාව මරයී .ඔන්න ආයෙම කෝල් එකක් .

" චූටි පුතේ කොහෙද ඉන්නේ ඔයා "

අම්මගේ කට හඩ එතරම් දරුණු නැති නිසා පොඩි බේගලයක් කීවාට කම් නැතැයි සිතුණි .

" අ අ.. . මම මේ ඉන්නේ ගෙදරට හැරෙන වංගුවේ . ඇයි අම්මේ ? "

" හයියෝ පුතේ අපි මේ නැන්දව බලල යන්න ආවා . රෑ කෑම මෙහෙන් පුතත් ඉක්මනට එන්න . නැත්නම් එලියට වෙලා තමයි ඉන්න වෙන්නේ "

කතා කරල වැඩක් නෑ . එලියේ හිටියොතින් මට රෑට කන්න වෙන්නෙ මදුරුවෝ . නැන්ද ලගේ ගෙදර ගියොත් රෑට කන්න වෙන්නේ උණු උණු බැනුම් . කෝකත් එකයි නේ . දැන් ඉතින් පාගපන්කෝ ආයෙම බයික් එක .මම පිටත් විය .

දැන් නම් පට්ටම මහන්සියක් ඇගට දැනෙයි . හවස පිටි මුට්ට කරගැහුව මදිවට දැන් කිලෝමීටර ගනන් බයික් එක පදිනවා .

කලුවරයේම මා යන පැත්තටම ගමන් කරන ගෑනු ලමයෙකු හා ඇයගේ පිටුපසින් ගමන් කරන කොලු රංචුවක් මම දුටිමි . එහෙත් මට කිසි ගානක් නැත . මම මගේ පාඩුවේ පුටාර් එක පෑගුවෙමි .

" යකඩෝ මේ අර බස් එකේදී මගේ ලග හිටිය නන්ගි නේද . මේකි මොකෝ මේ රෑ තනියම . අර පිටිපස්සෙ ඉන්න වදුරො රැල  ඒකිගෙ කවුද ? "

මගේ හිත නිකන් ප්‍රශ්න පත්‍රයක් විය .

" නන්ගී ඇයි මේ තනියම "

" අනේ අයියේ අයියා කොහෙද මේ යන්නේ . පුලුවන් නම් මාවත් ටිකක් ඉස්සරට දාගෙන යනවද . මේ හිවල්ලු ටික පුදුම කරදරයක් නේ දෙන්නේ "

මේකනම් මේකිගේ අපලයක්ද කොහෙද ? මා ෆුටර් එක බිම දමා ගොස් අර රැලේ එක වදුරෙක්ට  කතා කලෙමි .

" උබ දන්නවද මේ මගේ කවුද කියල . මේ මගේ gf යකෝ . ආයෙ උබල මේකිට කරදර කරල අහු වුනොත් අඩි 6ක් යටට යන්න ලෑස්ති වෙලා හිටපන් "

" මේ උබට පේනව නේ මොකද්ද කියල මගේ අතේ තියෙන්නේ "

ඒ අපි බයිට් එකට ඇපල් කැපීම සදහා අලුතෙන්ම මිලට ගත් පිහියයි .

ඔවුන් සෙට් එක ශේප් එකේ මාරු වූහ . අපෝ මුන් වගේ පිරිමි . අපේ එකෙක්ට ඔහොම කිවුව නම් ඒ කියන එකා හදට යවල තමයි අපෙ උන් ගෙදර එන්නේ . ඒකට මේ පරට්ට රැල . හයියෝ මුන්ගෙ පිරිමිකම .

" හා තව මොනවද බලන්නේ දැන් යමු "

ඇය යාන්තමට හඩන බවක් මට පෙනුනි .

" අයියේ අපිට මේ ගමේ අපේ කියල කවුරුත්ම නෑ . අප්පච්චි හිටිය නම් අපට මෙහෙම දෙයක් වෙන්නේ නෑ අයියේ . මේක මගෙයි අම්මගෙයි ලැබීම වෙන්න ඇතී "

මට කර කියා ගැනීමට කිසිවක් නොමැතිව මා අසරන වූයෙමි .

" ඒවා එහෙම තමයි නන්ගී . ඒ අපේ ලැබීම . දැන් ඒව ගනන් ගන්න එපා. ඒක නෙමෙයි නන්ගි කොහෙද ? මම නම් මෙහේ නෙමෙයි . අපේ නැන්දල ඉන්නේ වැව පාරේ . මේ එහේ යනගමන් . එහෙනම් මගේ වාහනේට නගින්නකෝ "

" මමත් ඒ කිට්ටුව තමයි අයියේ . අයිය අද කරපු දේවල් වලට ගොඩක් පින් "

එදා මම ඇයව නිවසටම කැදවාගෙන ගියේ මන්දැයි තවමත් නොදනිමි . මා නැන්ද ලගේ නිවසට පියනගන විට වේලාව 9 ත් පසු වී තිබුනද එදින අම්මා බොහොම සන්සුන් ලීලාවෙන් සිටියාය .

එදා ඇයට දුන් ආරක්ශාව හා රැකවරණය අදටත් එසේමය . තවමත් ඇය මා අමතන්නේ " මගේ අප්පච්චී " කියාය .

..............................................................................

අද සමාජයේ බොහෝදෙනෙකු සිතා සිටිනුයේ ආදරය යනු ලිංගික ආශාවන් ඉටු කර ගැනීමෙහිලා භාවිතා කරන ඇමක් ලෙසටය . නමුත් එය එසේ නැත .

සැබෑ ආදරය යනු ආරක්ෂාව හා රැකවරණය යන ද්විත්ව සංකලනයන්ගේ උත්තරීතර මුද්‍රාවයී. 🙏🙏🙏🙏🙏🙏🙏🙏🙏

මෙලෙස නිවැරදිව අවබෝධාත්මකව ආදරය කරන විට ලිංගික ආශාවද ඉබේටම සන්සිදෙනු ඇත .

          #උවිදු #අස්විකගේ #අකුරු #එකතුවකී